【波Boot實測】: Mizuno Alpha Japan @hkgballboot

全對鞋身重量只有190g 與Mercurial Vapor重量相約 (187g)
仍然都係Puma Ultra Ultimate最輕(160g)
三款都係市場上最熱門既Speed Boot選擇
當然仲有Adidas既X Speedportal,
好多人著Mercurial, X果時都未必岩腳型
相信呢對日製既Mizuno Alpha會滿足到著唔到Nike Adidas Speed Boot既用家 因為官網介紹鞋型類近Morelia Neo, 但面料唔同, 未上手 未能講確實第一手資訊 如有錯誤 希望可以提醒我🙏🏻

有外國文章講到 近幾年 各大牌子一直有推出唔同Speed Boot, 不斷改良 不斷出新
而美津龍一直都專注係自己既袋鼠皮系列
而呢幾年揀袋鼠皮既鞋 質素同埋好評絕對係Mizuno贏哂
除左最闊腳型著唔到Mizuno外 Mizuno既款式其他用家基本上都一著即愛上
所以佢地今次推出既Speed Boot, 就有值得期待既地方
我地都希望呢對會係一對相當好既鞋
可以令大家試到新野

由鞋面開始 Mizuno Alpha Japan由五層組成 製造過程係將五層壓縮融合成大家見到既薄面 而咁薄就係期望比到用家赤腳踢波既感覺
呢五層物料包括聚氨酯材料 Engineered Fit Woven / Engineered Fit Frame / Engineered Fit Sponge 同 Suede

Engineered Fit Woven 係主要材料 為美津濃開發既一種輕質柔軟的新材料
Engineered Fit Frame 旨在幫助係比賽期間保持腳部鎖定並防止腳部係鞋入面內移動 相信加埋防滑襪 效果會更顯著
Engineered Fit Sponge 就係一種有助於增強鞋貼合度既薄材料

鞋舌亦有五層結構 鞋籠採用已固定好既骨架 海綿同埋ZEROGLIDE Alpha Mesh

ZEROGLIDE Alpha Mesh 用係後踭位置 以防止後踭鎖唔實既問題 呢種技術亦希望比到好好既Lockdown感覺用家

鞋底採用Morelia Neo底版作主要參考 香港都有好多Morelia Neo用家 對呢個鞋底同鞋型 都算係較多人適合既一個鞋底 呢方面無太大補充 不過鞋釘上 呢款用上左三角形而有小小大粒既釘 呢種釘係香港草地會比到好好既抓地力 危險性亦無Vapor既箭嘴釘咁危險 而三角釘既用處就係轉向時會比到最好既感覺比用家 即經常急停 轉方向既用家 呢種釘係幾幫到你🙌🏻

最後鞋底設計用上左碳纖底板 提供充足回彈力 幫助用家加速同埋接觸草地既感覺 同埋加上左一個Mizuno跑鞋先有既科技Mizuno Enerzy, 穩固到後踭之餘仲提供到舒適既感覺 同時有助減輕跑動時關節既壓力 呢樣係我覺得好有用既一個技術！

鞋墊採用左ZEROGLIDE Alpha Mesh 又係一樣進一步減少腳部係boot內移位既配置 官網指出呢個鞋墊既配置有助於幫大家著上去時感覺會更Fit 因為會包得實鞋內其他空位 呢部分我睇字明 但都係打到一舊舊 係到講聲Sorry先 如果有機會上黎試著 一定會講得好啲🙌🏻

呢款鞋有好多技術用於防止大家腳部移位 某程度就等同講對鞋真係會好貼腳 而鞋面既織料亦都會比到好好既彈性去Fit唔同人既腳型 始終呢個世界有闊腳 有窄腳 暫時都未有一對鞋係全世界都岩 我只希望佢係一對好著 唔易爛 舒服既鞋 期待大家既Feedback

產品鏈結